“Brabus” zirehli “Mercedes G-klass” istehsal edəcək - FOTO

Tüninq şirkəti olan “Brabus” yeni “İnvicto” adlı subbrend yaradıb, güllə keçirməyən avtomobillərin instehsalı həmin atelyedə baş tutacaq.

Avtosfer.az xəbər verir ki, hazırlanan zirehli “G-Class” tam olaraq VR6 Plus standartlarına cavab verir. Buda o deməkdir ki, avtomobil “Kalaşnikov” güllələrindən atəşə dözməyə qadirdi.

Şirkətdə vurğulandığı kimi, fabrik zirehləri baxımından aşağı olmayan bir qoruyucu sistem yaratmağı bacardılar. Bütün detalların bərkidilməsi sorunsuz bir üsulla bir necə qat ilə həyata keçirilib.

Zirehli dəstin çəkisi avtomobillə birgə təxminən bir tondur. Yolsuzluq yüklərinə tab gətirmək üçün tüninq-atelye maşının şassi sistemini gücləndirib. Avtomobilin arxa və qabaq asması üçün mükəmməl yaylar quraşdırılıb.

Yeni model iki versiyada təklif ediləcək: yolsuzluq üçün “Mission” və dəbdəbəli “Luxury”. Birinci versiya damda əlavə işıqlandırma ilə fərqlənir, ikincisi isə “Brabus” bazasında hazırlanmış 4,0-litrlik Biturbo, V8, 800 at gücünə malik mühərriklə təchiz edilib.

Zirehli avtomobillərin istehsalı kiçik sayda olacaq və çox güman ki, sifarişlə hazırlanacaq. Yenilik bu ilin ilk yarısında satışa çıxarılacaq, lakin qiyməti haqqında məlumat verilmir.

Nazim Nadiroğlu