Bu avtomobillərin qiyməti ucuzlaşdı

Elektrikli avtomobil nəhəngi "Tesla", bu ilin birinci rübündə tədarüklər azaldığı üçün dünya üzrə avtomobillərinin qiymətini endirib.

Avtosfer.az bu barədə İqtisadiyyat.az-a istinadən xəbər verir.

Məlumata görə, şirkətin tədarükü təxminən dörd ildə ilk dəfə azalıb.

Şirkət Çində "Model 3" avtomobilinin başlanğıc qiymətini 14 000 yuan azaldaraq 231 900 yuana (32 000 dollar) endirib. Almaniyada "Model 3" avtomobilinin qiyməti isə 42 990 avrodan 40 990 avroya qədər ucuzlaşıb.

Bildirilib ki, qiymət endirimləri Avropa, Yaxın Şərq və Afrikanın bir çox başqa ölkələrində də baş verib.