Çin avtomobili satan salonlar bağlanır – SƏBƏB  

Rusiyada Çin avtomobili satan salonların bağlanma tempi artıb.

Avtosfer.az xəbər verir ki, ilin əvvəlindən Çin avtomobilləri satan 213 salon bağlanıb. Ötən ilin son rübündə 63 salon bağlanmışdı. Halbuki, 2024-cü ilin əvvəlində Federasiyada Çİn avtomobilləri üzrə ixtisaslaşan 4 mindən çox salon fəaliyyət göstəriurdi. 
Ekspertlər bu geriləməni çinli iş adamlarının səhv marketinq siyasəti ilə izah edirlər. Belə ki, Rusiya-

Ukrayna müharibəsi başladığı dövrdə Çindən kütləvi surətdə idxal başladı. Ölkənin kiçik şəhərlərində belə, Çİn avtosalonları açılmağa başladı. Avtomobillər kütləvi daşındığı üçün bazarda artıqlıq yarandı.

İqtisadi terminlə desək, təklif tələbi üstələdi. Bu səbəbdən bir çox avtosalon zərərlə işləməyə başladı. Hazırda bir çox dilerin anbarında müştəri gözləyən 2022-2023-cü il istehsalı avtomobillər yığılıb qalıb. Endirim kampaniyaları belə, anbarları boşaltmağa imkan vermir. 
Digər səbəb əhalinin gözləmə mövqeyində olmasıdır.

Son vaxtlar Ukraynada müharibənin dayanmasına dair fikirlər daha tez-tez səslənir. Buna görə də, ruslar sanksiyaların aradan qalxacağına ümid edirlər. Bir çox sürücü Qərb və ya Yaponiya istehsalı olan avtomobil almaq ümidi ilə köhnə avtomobilini yeniləməyə tələsmir. 

Qeyd edək ki, artıq Rusiya Çin avtomobilləri üçün əsas bazar statusunu əldən verib. Braziliya və BƏƏ artıq federasiyanı qabaqlayıb.
Vüqar