Çin təkərlərinə qadağa tətbiqi müzakirə edilir

Çin istehsalı olan elektromobillərə rüsumu artıran Avropa İttifaqı indi də bu ölkədən idxal edilən təkərləri araşdırır.

Avtosfer.az xəbər verir ki, Oksford Universitetinin hesablamasına görə, bu gün Avropanın təkər sənayesi 480 min nəfər üçün birbaşa və ya dolayı iş yeridir. Avropanın ÜDM-ində şinlərin payı 44 milyard avrodur. 

Lakin son vaxtlar qərbli istehsalçılar Çindən gələn ucuz təkərlərlə rəqabət apara bilmirlər. avropalılar elmi tədqiqatlara böyük xərc qoyduqları halda, Çində bu edilmir. Ucuz işçi qüvvəsi və dövlət dotasiyası aşağı qiymətə məhsul hazırlamağa imkan verir. Avropada isə zavodlar ziyanla işləyir. 

Rəsmi Brüsseli bu gün həm qiymət, həm də keyfiyyət etibatrı ilə aşağı olan Çin təkərləri narahat edir. Avropa Komissiyası artıq məsələni araşdırmağa başlayıb. Pekinin proteksionizm siyasəti sübut olunarsa, Çindən idxal edilən şinlərə əlavə vergi tətbiq ediləcək.

Vüqar