Dayanma-durma bilməyən sürücü maşınların hərəkət zolağına girdi - VİDEO

Avtomobilini yolun ortasında park etdi, maşınların hərəkət istiqamətini çətinləşdirdi. 
Avtosfer.az xəbər verir ki, mövcud qayda pozuntusu Xətai rayonunun Sarayevo küçəsində qeydə alınıb. Qaydalara bələd idarəçi tərəfindən lentə alınan görüntülərdən aydın olduğu kimi sürücü avtomobilini maşın yolunun ortasında parklayıb. Sükan arxasında olmayan şəxsin hansı məqsədlə bu yola baş vurduğu məlum olmasa da, özünün hadisə yerində görünməməsi etdiyi əməli normal hal kimi qəbullandığına işarə edir. Belə ki, avtomobillərin hərəkət zolağında maşınını saxlayan sürücü onların öz zolaqlarından çıxaraq digər istiqamətlə getmələrinə səbəb olub. Nəticədə yolun sağ zolağında gedən maşınların hərəkətində çətinlik yaranıb. 
Qeyd edək ki, sürücünün baş vurduğu bu qayda pozuntusu dayanma-durma qaydalarına ziddir və İnzibati Xətalar Məcəlləsinin 346-cı maddəsinə görə 20 manat cərimə tətbiqinə əsas verir. 

Nərmin Əkbər