Ərdoğan Orbana TOGG hədiyyə etdi, nömrəsi diqqətdən yayınmadı - FOTO

Türkiyə Prezidenti Rəcəb Tayyib Ərdoğan rəsmi səfərə gəldiyi Macarıstanda ölkənin Baş naziri Viktor Orban ilə görüşüb.

Mətbuata qapalı keçirilən ikitərəfli görüşdən sonra Ərdoğan və Orban yüksək səviyyəli nümayəndə heyətlərinin danışıqlarında iştirak ediblər.

Liderlərin qarşılıqlı hədiyyə mübadiləsi maraq doğurub. Belə ki, Ərdoğan macar Baş nazirə “TOGG” elektromobili, Orban isə Türkiyə Prezidentinə at hədiyyə edib.

Avtomobilin seriya nömrəsi maraq doğurub.

“HU TR-100” nömrəli “Togg” iki ölkə arasındakı əlaqələrin 100-cü ildönümü münasibətilə xüsusi olaraq hazırlanıb.