Hal şahidləri əvəzinə videoçəkiliş aparılacaq: Qanuna dəyişiklik edilir

Avtoxəbər 19 Aprel 2024 14:11 Oxunub 4056
Hal şahidləri əvəzinə videoçəkiliş aparılacaq: Qanuna dəyişiklik edilir
WhatsApp kanalımıza abunə ola bilərsiniz

Şəxsi axtarış və fiziki şəxsdə olan əşyaların yoxlanılmasına hal şahidlərinin cəlb edilməsi aradan qaldırılır.

Avtosfer.az-ın xəbərinə görə, bu barədə parlamentin bugünkü plenar iclasında müzakirəyə çıxarılan İnzibati Xətalar Məcəlləsinə dəyişiklik layihəsində əksini tapıb.

Layihə inzibati icraat zamanı həyata keçirilən tədbirlərə kənar şəxslərin (hal şahidlərinin) cəlb edilməsinin aradan qaldırılmasını nəzərdə tutur.

İnzibati Xətalar Məcəlləsinin 92-ci maddəsinə əsasən, şəxsi axtarış və fiziki şəxsdə olan əşyaları yoxlama, nəqliyyat vasitəsinə baxış və bir sıra digər tədbirlər hal şahidlərinin iştirakı ilə həyata keçirilir.

Dəyişikliklə isə hal şahidlərinin iştirakı aradan qaldırılaraq, həmin hallarda fasiləsiz videoçəkiliş aparılmaqla icraatın həyata keçirilməsi təklif edilir.

Müzakirələrdən sonra dəyişiklik səsverməyə qoyularaq üçüncü oxunuşda qəbul edilib.

FOTO QALEREYA
ŞƏRH YAZ
Ad

E-mail

Şərh