İki uşaqlı ailələrə güzəştli avtomobil krediti veriləcək

Rusiyada güzəştli avtomobil krediti proqramı iki uşaqlı ailələrə də şamil ediləcək.

Avtosfer.az xəbər verir ki, bu barədə Sənaye və Ticarət Nazirliyinin mətbuat xidməti məlumat yayıb.

"Mayın 26-dan etibarən iki uşaqlı ailələr də güzəştli avtomobil krediti proqramından yararlana biləcəklər”, - deyə məlumatda qeyd edilib.

Güzəştli faizlə yerli avtomobil almağa imkan verən “Ailə Avtomobili” proqramı may ayının ortalarında yenidən işə salınıb. O zaman bunun ən azı üç uşağı olan ailələrə təsir edəcəyi bildirilirdi. Mayın 26-dan onun əhatə dairəsi genişləndirilib.

Qeyd edilir ki, elektromobillər üçün endirim 30%, digər avtomobillər üçün isə 20% təşkil edəcək (Publika.az).