Maşın almaq istəyənlərə ŞAD XƏBƏR - VİDEO

İndiyə qədər ölkədə lizinq şirkəti açmaq üçün sadəcə vergi qeydiyyatı kifayət edirdi. Bu isə o demək idi ki, kim istəsə lizinq fəaliyyəti ilə məşğul ola bilirdi, dövlət qurumlarına hesabat vermirdi və bəzi hallarda vətəndaş hüquqları pozulurdu. Avtosfer.az xəbər verir ki, Milli Məclisdə müzakirəyə çıxarılan "Maliyyə icarəsi haqqında" qanun layihəsində bu sahədəki problemlərin həlli ilə bağlı yeni məqamlar var. Vüqar Bayramov vurğulayıb ki, yeni qanun layihəsində, eyni zamanda bazarın dövriyyəsinin genişləndirilməsi də öz əksini tapıb. Vətəndaşların daha ucuz kredit resurslarına əlçatanlığı artacaq, lizinqlə avtomobil alışı asanlaşacaq.