Yaponiyanın avtomobil istehsalçısı “Mitsubishi Motors” yarımkeçirici çip tədarükü problemi səbəbi ilə may ayında Yaponiya və Taylanddakı zavodlarında istehsalı azaldacaq.

Avtosfer.az bu barədə xarici mətbuata istinadən xəbər veirr.

Məlumata görə, “Mitsubishi Motors” təchizat problemi səbəbindən Yaponiyanın cənub-qərbindəki Aiçi və Okayama zavodlarında, həmçinin Taylanddakı zavodunda kütləvi istehsalı təxminən 16 min ədəd azaldır.

Qeyd edək ki, şirkətin açıqlamasında ağıllı telefonlar, məişət texnikası, oyun konsolları və 5G şəbəkə avadanlığları istehsalı sektorunda artan çip tələbi ilə tədarük qıtlığı yaşandığı bildirilib.

"Kyodo" agentliyinin verdiyi məlumata görə, mart ayında 4 min, bu ay 7,5 minə çatan istehsalın ixtisarı, gələn ay ümumilikdə 27 mini keçəcək.