Mühərrik üçün sintetik yağın üstünlüyü nədir?

Son illərdə əksər istehsalçılar mühərrik üçün sintetik yağ tövsiyə edirlər. Bəs sintetik yağın mineral yağla fərqi nədir?

Avtosfer.az xəbər verir ki, sintetik yağ mühərrikin daha rahat və etibarlı işini təmin edir. Bu üstünlük həm testlərlə, həm də təcrübədə sınanıb. Sintetik yağın xüsusiyyətləri nədir?
Sintetik yağın dinamik özlüyü aşağı olduğu üçün soyuq mühərrikin işə düşməsini asanlaşdırır.

Sintetik yağın molekulyar tərkibi fərqli olduğu üçün soyuqda sıxılmır və detalların üzərində etibarlı yağ təbəqəsi yaradır. Molekullar yüksək temperaturda da sabitlik nümayiş etdirir və ağır iş rejiminə dözür. Bu səbəbdən yağ daha gec köhnəlir və mühərriki daha etibarlı qoruyur. 

Qeyd olunan xüsusiyyətlər standartlara uyğun istehsal edilmiş sintetik yağlarda mövcuddur. Bazarı dolduran aşağı qiymətli yağların çoxunun yalnız adı sintetikdir.

Vüqar