Mühərrikdə yağ artıq olduqda nə baş verir? - FOTO

Avtomobil mühərrikində sürtünmə və qızmanın qarşısını almaq üçün keyfiyyətli yağlama vacibdir. Lakin keyfiyyətli yağ düzgün istifadə edilmədikdə arzuolunmaz hallar ortaya çıxır. Səhv istifadənin bir forması da mühərrikə normadan çox yağ tökməkdir. 
Mühərrikə 100-200 qram artıq yağ tökmək heç bir problem yaratmır. Lakin yağ dirsəkli vala qədər gedib çıxdıqda vəziyyət dəyişir. Dirsəklər yağı yüksək dövrlə mühərrikin iç səthinə çırpır və bütün ventilyasiya kanallarını tutur. Yağ mümkün olan bütün yerlərdən çıxaraq mühərrik bölməsində hər yeri çirkləndirir. Çilənən yağ elektron detalları və şamları da sıradan çıxara bilir. 
Bəzən sürücülər mühərrikdə yağ azaldığı üçün normadan artıq yağ tökürlər. Bu da tam səmərəsiz metoddur.

Vüqar