Nərimanovda avtoxuliqanlıq edən sürücü saxlanıldı – Vəsiqəsi əlindən alındı - FOTO

Nərimanov rayonu ərazisində avtoxuliqanlıq edən sürücü yol polisi tərəfindən saxlanılıb. Avtosfer.az xəbər verir ki, Azadlıq prospekti, Həsən Əliyev və Səməd Vurğun küçələrində avtoxuliqanlıq hərəkətləri edən “Chevrolet” markalı, 77-PH-084 avtomobil Nərimanov rayon DYP Şöbəsinin 99-YP-266 nömrə nişanlı patrul avtomobilində xidmət aparan əməkdaşları tərəfindən saxlanılıb. Sürücü Orucov Məhəbbət Qədir oğlu barəsində toplanmış materiallar Nərimanov rayon Məhkəməsinə göndərilib. Məhkəmənin qərarı ilə sürücü Məhəbbət Orucovun sürücülük hüququ 1il müddətinə məhdudlaşdırılıb və o, 750 manat cərimə olunub.

Emin