"Nissan" məhkəməyə verildi: Avtomobil hərəkətdə olarkən qapıları açılır

ABŞ-də "Nissan" avtomobillərinin sahibləri məhkəmədə nəqliyyat vasitəsinin istehsalçısına qarşı kollektiv iddia qaldırıblar.

Avtosfer.az "Carscoops"a istinadla xəbər verir ki, buna səbəb kimi avtomobillərin qapı kilidlərində yaranmış qüsurlar göstərilir.

İddia 2013-2025-ci illərin "Altima", 2014-2025-ci illərin "Rogue" və 2013-2025-ci illərin "Sentra" modellərinə aiddir.

Avtomobil sahibləri şikayətlənirlər ki, sözügedən qüsur maşın hərəkətdə olarkən gözlənilmədən qapının açılmasına və ya qapının ümumiyyətlə açılmasının mümkünsüzlüyünə gətirib çıxarır.(oxu.az)