Niyə ön şüşələrdə qara nöqtələr olur? - Az adamın bildiyi gizli XÜSUSİYYƏT

Bir çox sürücü yalnız son vaxtlar avtomobillərin, ilk baxışda xırda görünən bir detalına - ön şüşənin kənarları boyunca yerləşən qara nöqtələrə diqqət yetirib. Demək olar ki, hər avtomobildə mövcud olmasına baxmayaraq, onların əsl təyinatı uzun müddət diqqətdən kənarda qalıb.

Avtosfer.az xəbər verir ki, söhbət ön şüşənin kənarı boyunca yerləşən, fritlər adlanan qara nöqtələrdən və ya bütöv tünd zolaqdan gedir. Onlar emallı zolağın yaxınlığında yerləşir və eyni anda bir neçə vacib funksiyanı yerinə yetirir ki, bu da birbaşa sürüş təhlükəsizliyinə eləcə də komfortuna təsir göstərir.

İlk növbədə fritlər şüşənin kuzova bərkidilməsi üçün istifadə olunan uretan yapışqanı qoruyur. Qara emal ultrabənövşəyi şüaları bloklayır: bu şüalar zamanla hermetiki zədələyə, onun dağılmasına və hətta çatların yaranmasına səbəb ola bilər.

Bundan əlavə, qara nöqtələr şüşənin temperaturuna nəzarət etməyə kömək edir. Mütəxəssislər izah edirlər ki, nöqtəli matrisa istiliyi daha bərabər paylayır. Bu isə “linzalaşma” adlanan optik təhrifin (qeyri-bərabər qızma səbəbindən düz xətlərin əyri görünməsinin) qarşısını alır.

Bu funksiyanın əhəmiyyəti xüsusilə soyuq və ya çox isti havalarda daha aydın hiss olunur. Elə buna görə də müasir avtomobillərdə fritlər tez-tez arxa görünüş güzgüsünün yerləşdiyi zonada da tətbiq olunur. Səbəbi isə günəşdən qoruyucu kölgəliklər arasında qalan sahədə günəş işığını əlavə olaraq bloklamaqdır.

Praktik faydası ilə yanaşı, qara nöqtələr estetik rol da oynayır. Tünd zolaqdan şəffaf şüşəyə doğru tədrici keçid dizaynı daha səliqəli göstərir və göz üçün daha az kəskin edir./lent.az