Sürət həddini aşan qadın sürücünü polislər müşaiyət etdi: "Doğuşa tələsirəm"

Fransa polisinin ötən gün keçirdiyi reyddə maraqlı hal qeydə alınıb. Avtosfer.az xəbər verir ki, 70 km/saat sürət limiti olan yolda 105 km/saat sürətlə hərəkət edən motosikletçi qadın saxlanılıb. Qanuna görə o, 300 avro və 3 balla cəzalandırılmalı idi. Lakin qadının gətirdiyi dəlil polisin başqa cür davranmasına səbəb olub. Qadın doğuş sancısı başladığı üçün doğum evinə tələsdiyini bildirib. 
Polis qadının yalan danışmadığına əmin olduqdan sonra onu yaxınlıqda xidmət aparan yanğındöndürən avtomobillə xəstəxanaya çatdırıb. Yol boyu avtomobili 3 polis motosikleti müşayiət edib. 
Qadına heç bir cəza tətbiq edilməyib, onun motosikleti isə sonradan özünə qaytarılmaq üçün polis idarəsinə aparılıb.

Vüqar