"Toyota" Avropada kadr islahatı aparır

Toyota şirkəti əsas istehsal və satış bazarlarından olan Avropada fəalyyət göstərən filiallarında kadr islahatları planlaşdırır. 

Avtosfer.az xəbər verir ki, yanvarın 1-dən şirkətin ispaniya və türkiyə bölmələrində rəhbərlər dəyişəcək. “Toyota İspaniya”nın baş direktoru vəzifəsinə şirkətdə 10 ildən çox çalışan Fransisko Berrokal gətiriləcək.

“Toyota Motor Europe”un yeni rəhbəri Leonarda Karluçio da yanvarın 1-də vəzifəsinin icrasına başlayacaq şəxslər arasında yer alır. O, hazırda Lexusun Avropa bölməsində çalışır. 

“Toyota Otomotiv Sanayi Türkiye”nin rəhbərliyinə 30 ildir bu şirkətdə çalışan Murad Bülbül gətiriləcək. 1970-ci ildə anadan olmuş Bülbül hazırda şirkətin maliyyə məsələləri üzrə direktorudur.

Bundan başqa, gələn ildən bir neçə direktor müavini də dəyişəcək. Bütün hallarda vəzifədə irəli çəkilənlər yapon şirkətində kifayət qədər uzun müddət işləmiş şəxslərdir.

Vüqar