“Toyota”nı “qabaqlayan” rus istehsalçı “BMW-dən üstün avtomobil” hazırlayır

Bir müddət əvvəl “Toyota Camry”dən daha komfortlu avtomobil istehsal etdiklərini deyən Avtovaz rəhbərliyi son müsahibəsində də obrazlı desək, gül vurub. 

Avtosfer.az xəbər verir ki, şirkətin istehsal proqramları üzrə direktoru Oleq Qrunenkov jurnalistin “biz niyə BMW keyfiyyətində maşın istehsal etmirik? sualına özünəxas formada cavab verib.

O bildirib ki, təmsil etdiyi zavod BMW X5-in analoqunu hazırlaya və istehsala buraxa bilər. Sadəcə olaraq, bu məsələ yaxın gələcək üçün prioritet deyil.

Qrunenkov daha da irəli gedərək bildirib: “2026-cı ildə istehsalına başlayacağımız “Lada Azimut” modeli BMW X5-dən daha yuxarı sinifə aiddir”.

Qeyd edək ki, bir müddət əvvəl şirkətin direktoru Maksim Sokolov “Toyota Camry”dən daha komfortlu avtomobil istehsal etdiklərini bildirmişdi. Daha ətraflı aşağıdakı linkdə:

"Yaponlardan daha keyfiyyətli avtomobil istehsal edirik" deyən rus şirkət rəhbəri “Mercedes”də gəzir - VİDEO

Vüqar