1,54 milyon dollar yola dağıldı - FOTO

İngiltərənin Uilşir qraflığındakı Suindon şəhərində maraqlı hadisə baş verib. 

Yerli marketlər, banklar və iaşə obyektlərində yığılmış xırda pulları Londona daşıyan, "Loomis" şirkətinə məxsus olan ağır tonnajlı yük avtomobili yolda qəfil dayanma əməliyyatını yerinə yetirərkən kuzovun arxa qapısı açılıb.

Avtosfer.az xarici mətbuata istinadən xəbər verir ki, polietilen kisələrdəki xırda pullar yola tökülüb. Sürücü dərhal polisə zəng vurub və bir neçə dəqiqə sonra hadisə yerinə silahlı asayiş keşikçiləri gəliblər. Daha sonra həmin məkana kommunal xidmət əməkdaşları çağırılıblar və onlar polisin nəzarəti altında yola dağılmış xırda pulları yığmağa başlayıblar.

Suindon polisindən verilən məlumata görə, yük avtomobilindən yola 1 milyon funt-sterlinq, yəni 1,54 milyon dollar məbləğində xırda pul dağılıb.