Prospektdə təhlükəli anlar: Moped sürücüsü beton arakəsmədən əks yola çıxdı - VİDEO

Paytaxtın Heydər Əliyev prospektində kobud qayda pozuntusuna yol verən moped sürücüsü kameraya düşüb.

Avtosfer.az-ın məlumatına görə, hadisə oktyabrın 11-də saat 17:56 radələrində qeydə alınıb.

Kadrlardan görünür ki, “Wolt” çatdırılma şirkətinin kuryeri idarə etdiyi mopedlə beton arakəsmənin üzərindən keçərək əks istiqamətdə hərəkət edən nəqliyyat vasitələrinin yoluna çıxıb. Bu zaman o, yaxınlaşan avtomobillərin sürücüləri üçün təhlükə yaradıb.

Xoşbəxtlikdən, sürücülərin vaxtında və ehtiyatlı davranması sayəsində qəzanın qarşısı alınıb.

Qeyd edək ki, bu cür kobud manevrlər həm moped sürücüsünün, həm də digər hərəkət iştirakçılarının həyatını təhlükəyə atır.

Nərmin