20 il əvvəl maşınla çayda batan qadın və kişinin meyiti tapıldı

Rusiya Fövqəladə Hallar Nazirliyinin əməkdaşları sualtı təlimlər zamanı Yenisey çayında içərisində kişi və qadın meyiti olan “Mitsubishi” markalı avtomobil tapıblar. APA-nın RİA Novosti”yə istinadən verdiyi məlumata görə, təlimlər Krasnoyarsk şəhərində, Abakan kanalında keçirilib. İlkin ehtimala əsasən, kişi meyiti 1957, qadın meyiti isə 1956-ci il təvəllüdlü şəxsə aiddir. Onlar 1995-ci ildə itkin düşüblər və həmin vaxt faktla bağlı cinayət işi başlanıb.