ADY 145 illiklə bağlı xüsusi film təqdim etdi - FOTO - VİDEO

“Azərbaycan Dəmir Yolları” (ADY) Qapalı Səhmdar Cəmiyyəti 145 illik yubileyinə həsr olunmuş xüsusi qısa film təqdim edib.

ADY-dən Avtosfer.az-a verilən  xəbərə görə, filmdə aktyor Pərviz Fəxrəddin Bakı Dəmiryol Vağzalında yerləşən heykəlin obrazını canlandırıb. Ekran işində həm dəmir yolunun 145 illik tarixi inkişaf mərhələləri, həm də müasir infrastruktur layihələri əks olunub.

Filmdə xüsusilə Horadiz-Ağbənd dəmir yolunun tikintisi, 32 il sonra Ağdama ilk qatar reysinin təşkil olunması və ADY-nin son illərdə həyata keçirdiyi yeniliklər – yeni lokomotiv parkı, rəqəmsal idarəetmə sistemi və qurumun beynəlxalq nəqliyyat dəhlizlərində artan rolu da nümayiş etdirilib.