ADY: Məhdudlaşdırıcı amillər Orta Dəhlizdə ən aktual mövzulardan biridir

Bu gün məhdudlaşdırıcı amillər Orta Dəhlizdə ən aktual mövzulardan biridir.

Avtosfer.az xəbər verir ki, bunu "Azərbaycan Dəmir Yolları" (ADY) QSC-nin Marketinq və tarif siyasəti departamentinin müavini Natiq Rəsulzadə Bakıda keçirilən 30-cu Yubiley Beynəlxalq Xəzər Neft və Qaz sərgisi, 13-cü Xəzər Beynəlxalq Energetika və Yaşıl Enerji beynəlxalq sərgisi çərçivəsində təşkil olunmuş "Xəzər regionunda multimodal daşımalar: Səmərəli nəqliyyat logistikası təmin edilməsində perspektivlər və çağırışlar" panel müzakirəsində bildirib.

"Təbii ki, yükdaşımadan və nəqliyyat dəhlizindən söhbət gedirsə, burada məhdudlaşdırıcı amillər qaçılmazdır, o cümlədən Orta Dəhlizdə də. Bunlara həm fəsil amili, həm də Orta Dəhlizdə intensivliyin artması ilə bağlı koordinasiya amili daxildir. Koordinasiya faktoru ilə bağlı ADY "Control Tower" layihəsini irəli sürüb. Bu layihə bütün dəhliz iştirakçılarını eyni anda koordinasiyasını təşkil edir, həm Bakı Beynəlxalq Dəniz Ticarət Limanında konteyner aşırmalarına, həm Xəzər dənizində gəmi daşımalarına, həm də Azərbaycan ərazisində dəmir yolu daşımalarına aiddir", - deyə o qeyd edib.