Avtomobil qəzasından sonra MİSİRƏ QAÇAN YAZAR VƏ OĞLU barəsində həbs qərarı

Türkiyənin İstanbul şəhərinin Eyüpsultan qəsəbəsində məşhur türk yazıçı Eylem Tok və 16 yaşlı oğlu T.C. lüks avtomobillə yol kənarındakı maşına çırpılıb. Qəza zamanı digər maşındakı 5 nəfərdən 4-ü müxtəlif dərəcəli xəsarətlər alıb, 1-i isə hadisə yerindəcə keçinib.
Yazar qəzadan sonra bir nəfərin ölümünə səbəb olan yeniyetmə oğlunu qaçaq yolla Misirə aparıb. O, bu hərəkətinə görə ciddi tənqidlərlə üzləşib.
Bu səbəbdən açıqlama verərək, qəzaya görə üzr istəyib: “Mən anayam, məni anlamağa çalışın. Təslim olacağıq. İlk növbədə, bütün bu hadisələrə görə nə qədər təəssüfləndiyimi, nə qədər qorxduğumu və panikaya düşdüyümü bildirmək istəyirəm. Oğlumun həmin gün bizim xəbərimiz olmadan avtomobilimlə yola çıxmasına görə məsuliyyət daşıdığımı qəbul edirəm. Mən bir ana olaraq bu vəziyyətin baş verməməsi üçün bütün lazımi tədbirləri görməli idim. Amma təəssüf ki, yazılanların hamısı doğru deyil, oğlum hadisədən sonra qaçmayıb, əksinə, kömək üçün hadisə yerinə gələn insanlarla bərabər köməklik etdiyi üçün təcili yardım və qruplar da çağırıb. Xaricə gedəndə kiminsə ölməsindən xəbərimiz olmayıb. T.C. hadisə baş verən andan hər gün Türkiyəyə qayıtmaq istəyir. Onun heç vaxt burada qalmaq və ya bu ittihamlardan yayınmaq fikri olmayıb”.
Araşdırma nəticəsində ana Eylem Tokun gecə saat 02:00-da yetkinlik yaşına çatmadığı üçün sürücülük vəsiqəsi olmayan oğlu T. C.-ni götürərək hava limanına getdiyi və oradan qaçdıqları müəyyən olunub.
Qeyd edək ki, bir nəfərin ölümünə səbəb olan Timur C. və anası yazıçı Eylem Tok haqqında həbs qərarı çıxarılıb. (“Qafqazinfo”)
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












