Avtomobilini səkidə saxlayan sürücüyə şikayətçidən “əngəl olma” mesajı

Qarşısında duran avtomobilə arxalandı, qayda pozuntusuna şərik oldu.
Avtosfer.az xəbər verir ki, dayanma-durma qaydasını pozan daha bir sürücü Səbail rayonunun Üzeryir Hacıbəyov küçəsində kameralara tuş gəlib. Piyada kamerasında əks olan fotoşəkildən bəlli olduğu kimi “Kia” markalı, 77-CK-335 dövlət nömrə nişanlı avtomobil piyadalar üçün nəzərdə tutulmuş səkinin mərkəzində saxlayaraq onların hərəkətini iflic vəziyyətinə salıb. Günəş Bankın önündə saxlayan digər avtomobillə arasında məsafə saxlamayan sürücü görünür, ona arxalanıb və “O edir, mən niyə etməyim” düşüncəsi ilə davranıb. Digər avtomobilin nömrə nişanı kameraya düşməsə də, hər iki sürücünün dayanma-durma qaydasına məhəl qoymadığı göz önündədir. O zaman hər iki sürücüyə İnzibati Xətalar Məcəlləsinin 346-cı maddəsində yer alan dayanma-durma qaydasını pozduqları üçün 20 manatlıq cəriməni ödəmələrini xatırladaraq, dərs çıxaracaqlarına ümid edirik. 

Nərmin Əkbər