AZCON sərnişindaşıma və yükdaşıma göstəricilərini açıqladı

AZCON Holding 2026-cı ilin ilk 6 ayı üzrə nəqliyyat sektorunda əldə olunan sərnişindaşıma və yükdaşıma göstəricilərini açıqlayıb.
Sərnişindaşıma göstəriciləri
Avtosfer.az xəbər verir ki, hesabat dövründə Azərbaycan Dəmir Yolları (ADY) üzrə gündəlik orta sərnişin sayı 30 min nəfərə yüksəlib. Bu göstərici əvvəlki dövrlə müqayisədə 17% artım deməkdir. "BakuBus" avtobusları ilə daşınan gündəlik orta sərnişin sayı isə 24 % artaraq 643 min nəfərə çatıb.
Azərbaycan Hava Yolları (AZAL) üzrə ümumi sərnişin sayı 1 milyon 945 min nəfər olub ki, bu da ötən ilin eyni dövrü ilə müqayisədə 5 % çoxdur. Tranzit sərnişin daşımalarının sayı isə 277 min nəfərə yüksələrək 41 % artım təşkil edib.
Bakı Metropolitenində gündəlik orta sərnişin sayı 2025-ci ilin müvafiq dövrü ilə müqayisədə 0,5 % artaraq 600 min nəfərə çatıb.
Yükdaşıma göstəriciləri
Yükdaşımalar istiqamətində də müsbət dinamika müşahidə olunub. ADY üzrə tranzit yükdaşımaların ümumi həcmi 3,625 min tona çataraq əvvəlki illə müqayisədə 9 %, Şərq–Qərb (Orta Dəhliz) vasitəsilə tranzit yükdaşımaların həcmi isə 1 milyon 958 min tona çataraq əvvəlki illə müqayisədə 12 % artım göstərib. Bakı Beynəlxalq Dəniz Ticarət Limanı vasitəsilə konteyner yükaşırmalarının həcmi isə 15 % artaraq 61 min TEU təşkil edib.
Azərbaycan Xəzər Dəniz Gəmiçiliyi (ASCO) üzrə quru yük gəmiləri ilə daşımaların həcmi 894 min ton (34 % artım), tanker daşımalarının həcmi 1 milyon 709 min ton (25 % azalma) olub.
Beləliklə, 2026-cı ilin ilk yarımili üzrə əldə olunan nəticələr nəqliyyat xidmətlərinin səmərəliliyinin artırılmasına, tranzit potensialının gücləndirilməsinə və nəqliyyat sektorunun dayanıqlı inkişafına töhfə verib.

Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI












