Azərbaycanda bank kartları ilə bağlı problem aradan qaldırıldı? - CAVAB

Yanvarın 6-da axşam saatlarında Azərikard prosessinq mərkəzinin xidmət göstərdiyi bankların ATM-lərindən, POS terminallarından və mobil tətbiqlərindən istifadə zamanı yaranan məhdudiyyət aradan qaldırılıb.

Avtosfer.az apa-ya istinadən xəbər verir ki, bu barədə "Azərikard"dan bildirilib. Prosessinq mərkəzindən qeyd edilib ki, sistemdə baş verən bütün məhdudiyyətlər aradan qaldırılıb, texniki xidmət göstərən şirkətlə birgə tədbirlər görülüb və bütün fəaliyyət tam olaraq bərpa edilib.

Qeyd edək ki, Azərikard prosessinq mərkəzi hazırda Azərbaycanda fəaliyyət göstərən 15 bankla əməkdaşlıq edir.