"Bakı 2015" zamanı evlənmək olmaz? - VİDEO

Avtosfer.az xəbər verir ki, bu barədə Bakı Şəhəri Dövlət Yol Polisi İdarəsinin şöbə müdiri Vaqif Əsədov sosial şəbəkələrdə yayılan “Avropa Oyunlarında evlənmək və ölmək olmaz” kimi iddialara ANS-də yayımlanan “Xəbərəsizsiniz” verilişində aydınlıq gətirib. 

Belə ki, bildirib ki, Avropa Oyunları zamanı Bakı şəhərinin qeyd edilən küçə və prospektləri avtomobillərin hərəkəti üçün tam bağlanacaq. 

"Məsələn, Koroğlu metrostansiyasının yanında toy keçirirlərsə bura getmək mümkün olmayacaq. Çünki, bu istiqamətdə bütün yollar bağlı olacaq. Bu zaman gəlin və bəy cütlüyü, qohumlar toya gecikə bilər. Toy və yas zamanı elə yerlər seçilməlidir ki, Avropa Oyunları keçirilən əraziyə yaxın olmasın. Burada əsəs məsələ yüzlərlə inanların təhlükəsizliyini təmin etməkdir". 

Vaqif Əsədov paytaxt küçələrində yollara qoyulan məhdudiyyətlə bağlı yol polisinə edilən, xahiş, təzyiq kimi halların da yarana bilməyəcəyini vurğuladı.