Bakı-Sumqayıt avtobusunun qiyməti neçə olacaq?

Xəbər verdiyimiz kimi, yanvarın 21-dən Bakı - Sumqayıt istiqamətində yeni marşrut xətti fəaliyyətə başlayacaq.

“Qafqazinfo”nun məlumatına görə, bu marşrutun qiyməti 0.80 azn təşkil edir və ödənişlər nağdsız qaydada olacaq.

Qeyd edək ki, ekspres marşrut xətti Bakı Avtovağzalından Sumqayıt Avtovağzalına və əks istiqamətə olacaq.

Qeyd edək ki, “BakıKart”ın balansını artırmaq üçün həm Bakı Beynəlxalq Avtovağzal Kompleksi, həm də Sumqayıt avtovağzalında ödəniş terminalları yerləşdirilib. Sərnişinlər, həmçinin “BakıKart” mobil tətbiqi üzərindən QR kod vasitəsilə də ödənişlərini edə bilərlər.