Bakı-Sumqayıt yolunda dəhşətli tıxac
Gündəm
13 May 2015 11:49
Oxunub 1208
Tıxaca səbəb gecə saatlarından Xırdalan dairəsində yolun bağlanması olub
Bu gecə saatlarında “Xırdalan dairəsi” ərazisində yol bağlanıb. Avtosfer.az xəbər verir ki, bu səbəbdən Bakı-Sumqayıt yolunda böyük tıxac yaranıb.
Məsələnin nə yerdə olduğunu öyrənmək üçün Nəqliyyat Nazirliyi “Azəryolservis” ASC-nin mətbuat xidmətinin rəhbəri Anar Nəcəfli ilə əlaqə saxladıq.
A.Nəcəfli bildirdi ki, həmin ərazidə yolun təmir və bərpa işləri aparıldığı üçün bağlanıb.
"Həmin ərazidə, körpünün üstündə asfalt-beton örtüyü dağılmışdı. Bu səbəbdən də gecədən başlayaraq, yolu asfaltlayırlar. İşlər yekunlaşan kimi yol açılacaq. Hələlik sürücülər körpünün altı ilə hərəkət edə bilərlər".
ŞƏRH YAZ
