Bakıda qazilərin zəbt etdiyi taksi duracağını POLİS NƏZARƏTƏ GÖTÜRDÜ - VİDEO - FOTO

Günorta saatlarında yazdığımız xəbərdən sonra ərazidə vəziyyət tənzimlənib. Əldə etdiyimiz məlumatlara əsasən, polis əməkdaşları tərəfindən ərazidə müşahidə edilən neqativ hal artıq aradan qaldırılıb.

***

17:30

***

Paytaxtın Bakıxanov küçəsində taksilər üçün ayrılmış duracaq parkinq kimi istifadə olunur.

Avtosfer.az xəbər verir ki, xoşagəlməz halla qarşılaşan taksi sürücülərindən biri bununlq bağlı sosial şəbəkədə paylaşıb. Videodan da aydın görünür ki, 90-SO-484 dövlət nömrə nişanlı “Mercedes” markalı, 10-LY-075 dövlət nömrə nişanlı “Mercedes” markalı, 77-ME-326 dövlət nömrə nişanlı “KIA” markalı və digər avtomobillər taksi duracağında ard-arda park edilib. Nəticədə taksi sürücüləri duracağa girə bilmədikləri üçün kənarda dayanaraq sərnişin mindirib-düşürürlər.

Sürücünün sözlərinə görə, vətəndaşlardan biri ona yaxınlaşaraq duracaqdakı maşınların qazilərə məxsus olduğunu və ərazinin mütəmadi olaraq onlar tərəfindən zəbt olunduğunu bildirib. Vətəndaşın iddiasına əsasən, onlara iradını bildirən taksi sürücüləri hədə-qorxuya, hətta şiddətə məruz qalırlar.

Nərmin