Bakıda tıxacın yaranma səbəblərindən biri də bu imiş - REAL VİDEO

Sürücülərdən biri Ziya Bünyadov prospektində tıxacın yaranma səbəbi ilə bağlı video çəkərək sosial şəbəkədə paylaşıb. Avtosfer.az-ın məlumatına görə, sürücü bildirir ki, tıxacın yaranmasına səbəb yolun solunda və sağında olan dilənçilərdir. Onlar sürücülərdən pul diləndikləri üçün yolda sıxlıq yaranır. Lakin sürücünün hərəkətləri də tıxacın yaranma səbəblərindən biridir. Təbii ki, yolun hərəkət hissəsində insanların dayanması, pul dilənməsi normal hal deyil. Hətta təhlükə mənbəyidir. Amma onlar axın olan zaman yolun hərəkət hissəsində olmurlar. Dilənçilər əsasən tıxac yaranan zaman yola çıxıb sürücülərdən pul dilənməyə başlayır. Lakin videgörüntünü qeydə alan sürücü və onun qarşısındakı “Toyota Prius” markalı avtomobilin sürücüsü iki zolağın arası ilə gedərək yolun hərəkət hissəsində yerləşmə qaydasını pozurlar. Yəni, 2 zolaqdan 3 zolaq əmələ gətirirlər. Yol daralanda isə gah sağa, gah da sola keçərək arxadakı axının sürətinə təsir edirlər. Tıxac da məhz buna görə baş verir. Lakin heç kim bunun fərqinə varmır. Ona görə də insanlar öncə səhvi özündə axtarıb  düzəltməli, daha sonra digər insanlarda səhv axtarmalıdır.

Leyla