Bakıda yolun hərəkət hissəsi parkinqə çevrilib - Nişanları heçə sayıb yolu bağlayırlar - VİDEO

Paytaxtın Şəmsi Bədəlbəyliylə Kiçik Dəniz küçələrinin kəsişməsində yolun hərəkət hissəsi sürücülər tərəfindən mütəmadi olaraq zəbt olunur.

Xoşagəlməz mənzərəylə qarşılaşan sürücülərdən biri bu barədə Avtosfer.az-ın “Whatsapp” ünvanına videomaterial göndərib. Kadrdan da görünür ki, sözügedən ərazidə avtomobillər ard-arda park edilib. Bu isə yolayırıcından sağa dönən sürücülərin hərəkətinə əngəl törədir. Belə ki, sürücülər quraşdırılmış baş yol və piyada keçidi nişanlarına əhəmiyyət vermədən saatlarla yolu bağlayırlar. Şikayətçi avtobus zolağına görə maşını arxa-arxaya da sürə bilmədiklərini qeyd edib. Nəticədə kəsişmədən sağa dönə bilməyən sürücülər çıxılmaz vəziyyətdə qalırlar.

Sürücünün sözlərinə görə, yolu kəsən maşınların əksəriyyəti yaxınlıqdakı obyektlərin sahiblərinə məxsusdur. 

Nərmin