“BakıKart”dan biabırçı addım - Minlərlə sərnişin yolda qaldı - FOTO

Bu gün səhər saatlarında “BakıKart” sistemində texniki problem yaranıb, minlərlə sərnişin yolda qalıb.

Avtosfer.az xəbər verir ki, hadisənin səbəbini heç sürücülər də bilməyib. 

“Xaliq Faiqoğlu” şirkətinin mətbuat katibi Nizam Rzayev Avtosfer.az-a faktı təsdiq edib. O bildirib ki: ”Gecə “BakıKart” üzrə operator bütün avtobuslardakı ödəniş aparatlarına yeni proqram yükləyib. Səhər avtobuslarımızı xəttə verəndə məlum olub ki, proqramda problem var, bütün xəttlər üzrə əksər avtobuslar işə çıxa bilməyib, hazırda minlərlə sərnişin yollarda qalıb. Bu problem ilk dəfə deyil ki, yaradılır və özəl daşıyıcı şirkətə böyük maddi ziyan vurur”.

Nəzrin Sailqızı