Bakının "aşsüzən" avtobusları - FOTO

Avtobusların sərnişinlər üçün yaratdıqları müşküllərə indi də dəlik döşəmələr əlavə olunub. Bu, təhlükəsizliyin kobud pozuntusu olmaqla yanaşı, avtobuslar marşruta çıxmazdan əvvəl onlara ciddi baxış keçirilməməsindən xəbər verir. Avtosfer.az xəbər verir ki, bu barədə oxucular bu gün milli.az-a sərnişin avtobuslarında rastlaşdıqları biabırçı mənzərənin fotolarını göndəriblər. 

Fotolardan biri 165, digəri isə 6 nömrəli avtobusda çəkilib. Şəkildən görünür ki, 165 saylı avtobusda yaranmış dəlikdən sərnişinin ayağı az qala təkərə dəyə, digərindəki yırtıqdan isə hətta balaca uşaq yerə düşə bilər. Ümid edirik ki, bu mənzərəni görən Nəqliyyat Nazirliyinin rəsmiləri təcili tədbir görəcəklər.