Bakının mərkəzinə gələn avtobusların sayı azaldılır

Bakı şəhərinin mərkəzində avtobusların sayının çox olması yollarda tıxac yaradır. Ona görə də şəhərin mərkəzinə gələn və bir-birini təkrarlayan bir çox marşrutlar öz hərəkətlərini metro girişində dayandıracaq və əks istiqamətdə hərəkət edəcək. Avtosfer.az "report"-a istinadən xəbər verir ki, bunu nəqliyyat nazirinin müavini Musa Pənahov bildirib. 

M.Pənahov vətəndaşların həm yeni, həm də mövcud avtobuslardan istifadə edə biləcəklərini deyib. Nazir müavini əlavə edib ki, ictimai nəqliyyat vasitələrinin təmizliyi də həyata keçirilir.