Bakıya giriş bağlanacaq - Sürücülər nə etməlidir? - VİDEO

''Bakı-2015'' İlk Avropa Oyunları öncəsi paytaxta şimal və cənub istiqamətdən giriş bağlanacaq.Yəni Baki ətrafı qəsəbələrdən və rayonlardan gələn sürücülər şəhər mərkəzinə buraxılmayacaqlar.Onlar üçün avtomobili saxlamaq üçün xüsusi yer ayrılacaq.Yəni sürücülər avtomobili dayanacaqda saxlamaqla şəhər mərkəzinə ictimai nəqliyyatdan istifadə etməklə gedə biləcək.

Avropa oyunları ilə əlaqədar paytaxtətrafı qəsəbələrdən və rayonlardan şəhər mərkəzinə avtomobillə giriş qadağan ediləcək.Bu işi nəqliyyat nazirliyi və Respublika Baş Dövlət Yol Polis idarəsinin əməkdaşları görəcək. Məqsəd şəhər mərkəzində avtomobil sıxlığına mane olmaqdır.

"Oyunlar zamanı Minik maşınlarından minimum dərəcədə istifadə edin". Bu isə Daxili işlər nazirinin müavini Oruc Zalovun paytaxtdakı avtomobil sahiblərinə mürəciətidir.

Nəqliyyat Nazirliyindən bildirilib ki, hələlik avtomobillərin saxlanılması üçün yerlər dəqiqləşməyib.

Avropa Oyunları müddətində asayişin təmin olunmasına 24 min polis cəlb ediləcək. Artıq oyunların keçiriləcəyi 18 idman arenasının mühafizəsinə başlanıb. Avropa Oyunları ilə bağlı baş qərargah və idmançıların qalacağı ərazilərdə isə 15 köməkçi qərargah təşkil edilib.