Bakıya ilk dəfə gələnlər bu şəhərə valeh olur – Koreyalı turist - FOTO

Cənubi Koreyadan gələn qonaq Ji Hyun Kim Bakıda ilk dəfə olduğunu və Azərbaycan səfərinin onun üçün olduqca xoş təəssürat yaratdığını bildirib. O, Azərbaycanın pavilyonunu ziyarət etdikdən sonra ölkənin insanlara yönəlik böyük planları və inkişaf hədəflərindən ilhamlandığını qeyd edib.

Avtosfer.az xəbər verir ki, Ji Hyun Kim Bakıda keçirilən tədbirin yüksək səviyyədə təşkil olunduğunu vurğulayıb. O, forum çərçivəsində təqdim olunan layihələr və ideyaların olduqca maraqlı olduğunu, bu prosesdən çox şey öyrəndiyini bildirib. Qonaq həmçinin Bakıda keçirdiyi vaxtdan məmnun qaldığını və şəhərdəki mühitin ona müsbət təsir etdiyini ifadə edib.

O, ümumilikdə səfərin onun üçün həm faydalı, həm də yaddaqalan olduğunu qeyd edib.

Eltac Zülfüqaroğlu