Bir neçə avtomobilə ziyan vuran sürücü məbləğin qalan hissəsini özü ödəməlidir - VİDEO

Bu gün Bakıda “20 Yanvar” dairəsi yaxınlığında sürücü bir neçə avtomobilə ziyan vurduqdan sonra qaçmağa çalışıb. DYP-nin “saxla” əmrinə tabe olmayan sürücü polis əməkdaşları tərəfindən saxlanılıb.
Bu məsələ müzakirələrə səbəb olub. Sürücünün qaçmaq istəməsini maşınlara vurduğu ziyanla əlaqələndiriblər.
Bəs görəsən, sürücü bir neçə maşına eyni anda ziyan vurubsa, sığorta prosedurları necə tənzimlənəcək?
Mövzu ilə bağlı açıqlama verən sığorta məsələləri üzrə ekspert İlkin İbrahimovun sözlərinə görə, bir avtomobil digər maşınlara ziyan vurubsa, hər birindən zərərçəkmə aktı çıxarılacaq:
“Qanunvericilik deyir ki, əgər bir avtomobil hadisə üzrə digər maşınlara ziyan yetirirsə, zərərçəkmiş maksimum 5 min manat sığorta ödənişi ala bilər. Bu, bir, iki, beş maşına da aid edilir.
Tutaq ki, yolda bir neçə maşın vurursunuz. O zaman hadisə üzrə zərəri Dövlət Yol Polisi müəyyən edəcək. Əgər zərər vuran sizsinizsə, 10 avtomobil zərərçəkəndirsə, hər birindən zərərçəkmə aktı çıxarılacaq. Birinə ola bilər ki, 10 min manat, birinə 5 min manat, digərinə min manat ziyan dəyib. Ümumilikdə məbləğ yığılır (bizim misalda 16 min manat). Maksimal ödəniləcək məbləğ isə qanunvericilikdə 5 min manatdır. Həmin beş min manatda faiz nisbəti olaraq onlar toplanır, yəni hər bir hadisənin ümumi məbləğin içindəki payı müəyyən olunur. Dəyən ziyanın 5 min manata bölünür. 5 min manatın içərisindəki hər biri onlara düşən 10, 20, 40 faiz məbləğlərini alır (bizim misalda 62,50%, 31,25% və 6,25%, məbləğ olaraq isə 3 125 manat, 1 562,5 manat və 312,5 manat, cəmi 5 000 manat).
Zərərçəkmişlərə qalan hissəni artıq vətəndaşın özü ödəməlidir. Əgər imtina edib, imkanı olmadığını bildirərsə, zərərçəkmişlərin məhkəmə yolu ilə məbləği almaq hüquqları var”.
Həmin görüntüləri təqdim edirik:
(oxu.az)
Prezidentin Vyetnama səfəri başa çatdı - VİDEO
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI













