Bu yolda təmir işləri başa çatdı - FOTO

Azərbaycan dəmir yollarının Bakı–Keşlə sahəsində “Bağırov körpüsü” kimi tanınan ərazidə təmir işləri başa çatıb. 
Avtosfer.az xəbər verir ki, bu barədə ADY məlumat yayıb.
“Azərbaycan Dəmir Yolları” QSC (ADY) tərəfindən Abşeron dairəvi dəmiryol xəttində infrastrukturun sağlamlaşdırılması və hərəkətin təhlükəsizliyinin davamlı təmin edilməsi məqsədilə Bakı–Keşlə sahəsində “Bağırov körpüsü” kimi tanınan ərazidə əsaslı təmir işləri aparılıb.
Təmir işləri çərçivəsində hidroizolyasiya işləri görülüb, drenaj boruları quraşdırılıb, mühafizə qatı yenilənib, həmçinin avtomobil yolunda asfalt qatı yenilənib, yeni bordürlər qoyulub ki, bu da infrastrukturun dayanıqlılığını daha da möhkəmləndirilib.
Xidmət sahələrində davamlı olaraq aparılan yenidənqurma və təmir işləri sərnişinlərin mənzil başına təhlükəsiz və rahat çatdırılmasına xidmət edir.