Dəbdəbəli biznes obyektlərinin yaraşığını pozan yol: Maşınla keçmək baha başa gəlir - VİDEO - YENİLƏNİB

Bakının Nərimanov rayonu Nadir Əliyev küçəsində yol bərbad vəziyyətdədir. Yolun təmirini isə heç bir qurum öz üzərinə götürmür.
Belə ki, dağılmış vəziyyətdə olan sözügedən yolun təmiri ilə bağlı Oxu.Az-ın sorğusunu cavablandıran Azərbaycan Avtomobil Yolları Dövlət Agentliyinin (AAYDA) Mətbuat Xidmətinin rəhbəri Anar Nəcəfli bildirib ki, ərazi agentliyin balansında deyil.
O əlavə edib ki, əgər rayon rəhbərliyi yolun təmir olunmasını istəyirsə, aidiyyəti üzrə investisiya proqramına müraciət etməlidir. Bundan sonra layihənin icrası AAYDA-ya həvalə oluna bilər.
Nərimanov Rayon İcra Hakimiyyətinin tabeliyində olan Mənzil-Kommunal Təsərrüfatı Birliyindən (MKTB) isə Oxu.Az-ın sorğusuna cavab olaraq bildirildi ki, bu iş onların da səlahiyyətlərinə daxil deyil:
“Həmin yol məhəllədaxili yox, ümumi istifadədə olduğu üçün bu məsələ onların səlahiyyətləri xaricindədir. Ona görə də yolun təmiri ilə bağlı Azərbaycan Avtomobil Yolları Dövlət Agentliyinə (AAYDA) müraciət olunması tövsiyə olunur”.
***
Bakının Nərimanov rayonunda yollar dağılmış vəziyyətdə olsa da, buna bir çarə qılan yoxdur.
Bu barədə oxu.az-a oxucular məlumat veriblər.
Qeyd olunur ki, rayonun dəbdəbəli biznes obyektlərinin yerləşdiyi Nadir Əliyev küçəsində yolun asfalt örtüyü bərbad hala düşüb, iri çalalar əmələ gəlib. Bu isə xüsusilə sutkanın qaranlıq vaxtında avtomobillərin hərəkətinə çətinlik yaradır, onlara ziyan vurur.
“Aidiyyəti qurumlar vəziyyətdən xəbərdar olsalar da, heç bir tədbir görmürlər”, - şikayətdə bildirilib.
Videonu təqdim edirik:
Sürücülərin nəzərinə! - Yollarda görünüş məsafəsi məhdudlaşacaq
Tıxacın qarşısını almaq üçün təklif də vermişik, icra olunsa...
DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO












