Dəmir yollarının yenidən milliləşdirilməsinə başlanılıb

Britaniya dəmir yollarının yenidən milliləşdirilməsinə başlayıb.

Avtosfer.az xəbər verir ki, bu barədə ITV telekanalı məlumat yayıb.

Hələ müxalifətdə olarkən Leyboristlər Partiyası hakimiyyətə gəldiyi təqdirdə dəmir yollarını milliləşdirmək planlarını açıqlamışdı. İyulda seçkilərdə qələbə qazandıqdan dərhal sonra leyboristlər bunu "mümkün qədər tez" etmək niyyətində olduqlarını bildiriblər. Britaniyada dəmir yolları 1990-cı illərdə özəlləşdirilmişdi.

"Dəmir yolu xidmətlərinin yenidən milliləşdirilməsi başlayıb", - telekanal qeyd edir.

Telekanalın məlumatına görə, ilk olaraq "South Western Railway" şirkəti milliləşdirilib, onun ardınca digərləri də gələcək.

2024-cü ilin sonunda Britaniya hakimiyyəti ölkənin bütün dəmir yollarının üç il ərzində milliləşdirilməsini gözlədiklərini bəyan edib.