Doqquz nəfərlik mikroavtobusdan 22 nəfər çıxdı - FOTO

Türkiyənin Çanaqqala vilayətində park edilmiş və şübhə səbəbindən yoxlanılan 9 nəfərlik mikroavtobusdan 22 xarici miqrant aşkarlanıb. Avtosfer.az yerli KİV-ə istinadən xəbər verir ki, hadisə Ayvacıq rayonunun meşə anbarı istiqamətində qeydə alınıb.

Məlumata görə, park vəziyyətində olan 17 EC 234 qeydiyyat nişanlı “Hyundai” markalı mikroavtobus, ərazidə xidmət aparan yol polis əməkdaşlarının diqqətini çəkib və aparılan yoxlama zamanı 9 yerlik nəqliyyat vasitəsinin içərisində 22 xarici vətəndaşın olduğunu müəyyən ediblər. Aralarında qadın və uşaqların da olduğu miqrantlar Yunanıstanın Midilli adasına keçmək istədikləri məlum olub. Keçirilən əməliyyatdan sonra 22 miqrant Ayvacıq Rayon Polis Bölməsinə təhvil veriliblər.

Namiq Musayev