Dünya təhsilin, bizim gənclər isə TikTok-dakı Adəmin arxasınca sürünür - VİDEO

Tiktokda məşhurlaşan azyaşlının heyranları yolda təhlükəli vəziyyət yaradıb.

Avtosfer.az xəbər verir ki, bu barədə görüntülər sosial şəbəkələrdə geniş müzakirəyə səbəb olub. Belə ki, Adəm Mirzəyev və onun atası Ağcabədidə bir mağazanın açılışına üstüaçıq avtomobildə gedib. Onları görən heyranları, xüsusən də gənc və yeniyetmələr avtomobilin arxası ilə düşərək onlarla şəkil çəkdirməyə çalışıb. Nəticədə avtomobil yolunda təhlükəli anlar yaşanıb.

Ümumiyyətlə, azyaşlı və yeniyetmələrin cəmiyyətdə ciddi əhəmiyyət daşımayan şəxslərə rəğbəti elə də ürəkaçan deyil. İnkişaf etmiş ölkələrdə gənclər elm və təhsilin arxasına düşüb nailiyyətlər əldə edir. Lakin bizim cəmiyyətdəki belə gənc toplumlar əksinə, onlara heç bir faydası olmayan şəxslərlə şəkil çəkdirmək üçün canını belə təhlükəyə atır.

Gənclər gələcəyimizdir. Lakin belə gənclərdən gələcək üçün nə ummaq olar?...

Məhəbbət Tərlanoğlu