DYP əməkdaşları Bakı Beynəlxalq Avtovağzal Kompleksində görüş keçirdi - VİDEO

Bu gün Baş Dövlət Yol Polisi İdarəsinin əməkdaşları Bakı Beynəlxalq Avtovağzal Kompleksində maarifləndirmə xarakterli görüş keçirib. Avtovağzal kompleksinin rəhbərliyi ilə birgə təşkil olunan tədbirdə sərnişindaşıma fəaliyyəti kimi məsuliyyətli sahədə çalışan hüquqi və fiziki şəxslərə, eləcə də sürücülərə hüquq və vəzifələri haqda bir daha geniş məlumat verilib, səfərə çıxmazdan əvvəl nəqliyyat vasitələrinin texniki vəziyyəti, sürücülərin tibbi yoxlamadan keçməsi, eləcə də iş və istirahət rejiminə əməl olunması kimi vacib məsələlərin nəzarətdə saxlanılması xüsusi vurğulanıb.

Baş DYP İdarəsinin əməkdaşları tərəfindən avtobuslarda səfərə çıxmağa hazırlaşan sərnişinlərlə söhbət zamanı onlara müvafiq tövsiyələr verilib, maraqlandıqları suallar cavablandırılıb.

Görüşdə qaldırılan məsələlər üzrə nəzarətin gücləndirildiyini bildirən avtovağzal rəhbərliyi, eləcə də tədbirə qatılan sürücü və sərnişinlər DYP ilə birgə əməkdaşlığın hər zaman faydalı olduğunu qeyd ediblər.