Ər arvadını avtobusda öldürdü- Bakıda dəhşətli cinayət - FOTO

Bakıdakı avtobuslardan birində dəhşətli cinayət hadisəsi baş verib. Avtosfer.az xəbər verir ki, bu barədə Yusif Hüseyn adlı istifadəçi şəxsi facebook səhifəsində məlumat verib. Onun sözlərinə görə, 135 nömrəli marsrut üzrə hərəkət edən avtobusda ər arvadını bıçaqlayıb. Meyitin “Şamaxinka” adlanan ərazidə avtobusdan düşürüldüyü bildirilir. "Dayanacaqda dayanmışdım. Avtobus dayandı. Hay-haray düşdü. Meyiтi çıxartdılar. Ürəyim dözmədi... Dedilər əri bıçaqladı. kisi qəflətən bıçağı çixarıb arvadının başını kəsib, hətta yanında usağı da varmış. Sonra isə avtobusdan düşərək qaçıb".

Məlumatı 101FM-in xəbər aparıcısı Əzizə İsmayılova geniş yayıb.

***

Xırdalan şəhərindən Bakıya gələn avtobusda ər arvadını bıçaqlayıb. Avtobus "Şamaxinka" adlanan ərazidə dayanıb və hadisəni törədən Məmmədov Namiq Hacı oğlu hadisə yerindən qaçıb. Bıçaqlanan qadın isə Akademik Mirqasımov adına Respublika Kliniki Xəstəxanasına aparılarkən yolda dünyasını dəyişib.

Xəstəxanadan APA-ya bıçaqlanan qadının öldüyünü təsdiqləyiblər. Məlumata görə, qətlə yetirilən 1968-ci il təvəlllüdlü Şəmiyeva Fatma Məhəmməd qızıdır. Qətlə yetirilən zaman Şəmiyeva Fatmanın yanında təxminən səkkiz yaşlı uşağı da olub. Ata Məmmədov Namiq Hacı oğlu arvadını uşağın gözləri qarşısında bıçaqlayaraq öldürüb.

Faktla bağlı rayon prokurorluğunda cinayət işi açılıb. İlkin ehtimala görə, qətl hadisəsi qısqanclıq zəminində baş verib.

Emin