Güclü leysan İsmayıllı-Qəbələ yolunda torpaq sürüşməsinə səbəb olub - FOTO

Gecədən başlayaraq yağan güclü leysan İsmayıllı-Qəbələ avtomobil yolunda fəsadlar yaradıb.

APA xəbər verir ki, güclü leysan yağışları nəticəsində magistral yolun kənarlarında aşınmalar yaranıb.

Yolun dağlıq ərazidən küçən hissəsində torpaq sürüşməsi olub, nəticədə elektrik dirəklərinə ziyan dəyib.

Kəndləri elektrik enerjisi ilə təmin edən xətlər də zədələnib. Hazırda ərazidə təmir-bərpa işləri aparılır.

Sumagali, Qalacıq, Qurbanəfəndi və İsitisu kəndində elektrik enerjesinin verilişində fasilə yaranıb.