Gürcüstan Çinlə birbaşa uçuşları dayandırıb

Gürcüstan Çinlə birbaşa aviauçuşları müvəqqəti dayandırıb. Avtosfer.az “Report”a istinadən xəbər verir ki, bu barədə Gürcüstanın Mülki Aviasiya Agentliyi məlumat yayıb. Qərar koronavirusun Gürcüstan ərazisinə keçməsinin qarşısının alınması məqsədilə həyata keçirilən profilaktik tədbirlər çərçivəsində qəbul olunub. Çin tərəfi Gürcüstanın Mülki Aviasiya Agentliyinin qərarı barədə məlumatlandırılıb. Gürcüstan və Çin arasında birbaşa aviauçuşlara qadağa qış naviqasiya mövsümünün sonuna - 29 mart 2020-ci ilə qədər qüvvədə qalacaq.