Heydər Əliyev Beynəlxalq Aeroportunun strateji rolu - FOTOREPORTAJ

Heydər Əliyev Beynəlxalq Aeroportu Azərbaycanın əsas hava qapısı və Cənubi Qafqazın ən böyük aviasiya mərkəzlərindən biridir. Avtosfer.az “PhotoStock.az”a istinadən xəbər verir ki, Bakı şəhərindən 20 kilometr şimal-şərqdə yerləşən aeroport ölkənin beynəlxalq hava nəqliyyatı sistemində strateji rol oynayır və regionun əsas tranzit qovşaqlarından hesab olunur. 2014-cü ildə istifadəyə verilmiş müasir "Terminal 1" innovativ memarlıq həlli, yüksək xidmət standartları və sərnişin rahatlığı ilə seçilir. Aeroportun ümumi illik sərnişin tutumu 9 milyon nəfərə çatır. Heydər Əliyev Beynəlxalq Aeroportu beynəlxalq səviyyədə yüksək qiymətləndirilir və dəfələrlə "Skytrax" şirkəti tərəfindən Mərkəzi Asiya və MDB məkanının ən yaxşı hava limanlarından biri seçilib. Aeroport sərnişin təcrübəsi, xidmət keyfiyyəti və innovativ həllərə görə regionun qabaqcıl aviasiya mərkəzlərindən biri hesab olunur. 2024-cü ildə hava limanı 7.5 milyondan çox sərnişinə xidmət göstərərək tarixinin ən yüksək göstəricisini qeydə alıb və regionun aparıcı aviasiya qovşaqlarından biri kimi mövqeyini daha da gücləndirib.

Heydər Əliyev Beynəlxalq Aeroportundan fotoreportajı təqdim edirik: