İnsan sümüyündən hazırlanan yeni narkotik — FOTO

Afrikada insan sümüyündən hazırlanan narkotik növü kütləvi ölümə səbəb olur. Hazırda bu narkotikdən ən çox istifadə edən Syerra-Leone ölkəsidir. Bu ölkədə sintetik kannabinoidlərdən və insan sümüklərindən hazırlanan narkotik maddənin adı kuşdur. Kuş o qədər ucuzdur ki, bu kasıb ölkədə ondan hər kəs alıb istifadə edə bilir. Məhz buna görədir ki, Sierra Leonenin paytaxtı Fritaunun küçələrində kuşa asılılığı olan insanlara addımbaşı rast gəlinir. Onlar zombi kimi hərəkət edir və ətrafdakılara heç bir reaksiya vermirlər. Kuş istifadəçiləri bir qayda olaraq infeksiyaya yoluxurlar. Onların qolları və ayaqları şişir. Bizim.Media xəbər verir ki, son aylarda şəhərdə narkotika aludəçiləri arasında yüzlərlə ölüm qeydə alınıb. Ölkədə psixiatrik yardım göstərən yeganə tibb müəssisəsinə son aylarda 2 minə yaxın kuş istehlakçıları yerləşdirilib. Xəstəxananın həkimi Tayson Konte deyir ki, kuş tramadol dərmanı qədər populyardır. “Kuşdan əhalinin bütün təbəqələri istifadə edir. Həm kişilər, həm qadınlar, həm kasıblar, həm də zənginlər tərəfindən hər gün kuş qəbul edilir. Hazırda ölkədə kuşdan istifadə etməyən əhalinin sayı çox azdır”.
Kuşun populyarlığı onun aşağı qiymətə olmasıyla bağlıdır. Bir doza təxminən beş leoneyə və yaxud 2 sentə başa gəlir. Kuşa aludə olan bir insana gün ərzində 40 doza qəbul edir. Bu da hətta kasıb Afrika ölkəsi üçün də münasib xərcdir.
Kuşun təsiri altında insanlar bir növ transa düşürlər...
Onlar real dünya ilə əlaqəni kəsirlər. Yuxuya getmirlər və gecələr də zombi kimi hərəkətdə olurlar. Kuşun təsiri altında olan insanlar özlərini idarə edə bilmirlər. Əvəzində özlərinə və başqalarına zərər verə bilirlər. Kuş aludəçilərin sayı artıqca cinayətlərin də sayı artır. Onların hesabına oğurluq və ağır cinayətlərin sayı durmadan çoxalır. Bir çox narkomanlar sata biləcəkləri əşyalar tapmaq üçün bütün günlərini zibilxanalarda və kanalizasiyalarda keçirir.
Deyilənə görə kuşun tərkib hissəsi insan sümükləridir Ona görə də bu ölkədə tez-tez tabutlar oğurlanır. Keçən avqustda yerli mətbuatda kuş və sümük üçün məzar qazan dörd nəfərin həbs olunduğu xəbəri yayılmışdı.
Bu il hakimiyyət daha da irəli gedərək qəbiristanlıqların təhlükəsizliyini gücləndirib. Əks halda qəbirlərin talanını dayandırmaq mümkün deyil.
Sonda onu da qeyd edək ki, kuş narkotik növü təkcə Sierra Leonedə deyil. Qonşu ölkələrdə, xüsusən də Qvineya və Liberiyada da geniş yayılıb.


DİN vəkil Orxan Kəngərli və digərlərinin həbsi ilə bağlı məlumat yaydı - VİDEO
Prezidentlər Birgə Bəyanat qəbul etdilər - FOTOLAR
Dövlət qulluğu imtahanı ilə bağlı nələr dəyişəcək? – RƏSMİ AÇIQLAMA
Güclü yağışlardan sonra sürüşmə təhlükəsi: Riskli ərazilərə kim nəzarət etməlidir? - AÇIQLAMA
2026-cı ilin 9 ayında büdcədə yaranan profisiti növbəti ilin kəsrinə yatırmaq olar? - RƏY
Magistralların kəsişdiyi nöqtə: Xırdalan dairəsində niyə tıxac yaranır? – ARAŞDIRMA
Prezident Hanoyda “İnqilab şəhidləri” abidəsini ziyarət etdi - FOTOLAR
Tıxac olan yolların SİYAHISI
İlham Əliyevin Vyetnama rəsmi səfəri ilə bağlı VİDEOÇARX - VİDEO
İndiyədək neçə avtomobil utilizasiyaya verilib? - AÇIQLAMA
İlham Əliyev Vyetnama rəsmi səfərə gedib - FOTO












